Մեկնարկել է EURAXESS կենտրոնների ազդեցության մեծացմանն ուղղված ERA TALENT մրցույթը, որն առաջարկում է նպատակային ֆինանսական աջակցություն EURAXESS նախագծի անդամներին, որոնք անմիջականորեն ներգրավված չեն ERA TALENT նախագծում: Աջակցությունն ուղղված է մրցույթի նպատակներին համապատասխան՝ տաղանդների և կարիերայի զարգացման ծառայությունների շրջանառության բարելավմանը:
Հորիզոն Եվրոպա ծրագրի իրավասու երկրներից միայն EURAXESS-ի անդամները (ցանկացած մակարդակում) կարող են մասնակցել մրցույթին՝ մինչև 09/01/2022-ը համապատասխան կառույցների կողմից ստորագրված պարտավորությունների հռչակագրի ներքո:
ERA TALENT նախագիծը նպատակ ունի բարելավել և ընդլայնել EURAXESS ցանցի կողմից առաջարկվող ծառայությունները՝ աջակցելու ակադեմիական, արդյունաբերական, բիզնեսի, պետական և ոչ կառավարական ոլորտներում գիտնականների կարիերայի զարգացմանն ամբողջ Եվրոպայում:
Մրցույթի գլխավոր նպատակն է ֆինանսական աջակցություն տրամադրել շահառուներին՝ հնարավորություն ընձեռելով նրանց միանալու նախագծի թեմատիկ վիրտուալ կենտրոններից մեկին, որին աջակցում է ERA Talent Platform նախագիծը: Շահառուները ակտիվորեն կմասնակցեն և կընդլայնեն ընտրված կենտրոնի գործունեությունը` տրամադրելով տվյալ կենտրոնի ստորաբաժանումներին համապատասխան ծառայություններ։
Մրցույթը կֆինանսավորի մինչև 25 փոքրամասշտաբ նախագծեր՝ ամբողջ EURAXESS ցանցում լայնածավալ ազդեցություն ապահովելու և բոլոր հինգ կենտրոնների զարգացման համար․
- EURAXESS ստարտափ կենտրոն
- Հետազոտական կարիերա ակադեմիական կենտրոնից դուրս
- Հետազոտական կարիերա ակադեմիական կենտրոնում
- Տաղանդների բաշխման կենտրոն
- EURAXESS գիտությունը փախստականների համար կենտրոն
Հայտերն ընդունվում են մինչև 2024 թվականի հունվարի 31-ը, ժամը 17:00 (ԿԵԺ):
EURAXESS կենտրոնների, հայտադիմումի լրացման կանոնների, ֆինանսավորվող գործունեության և նախագծի այլ մանրամասների մասին տեղեկատվության համար խնդրում ենք ուսումնասիրել Դիմորդների ուղեցույցը, Մրցույթի հրապարակումը և Funding and Tenders պորտալը: