ՁԵՌՆԱՐԿՈՒԹՅՈՒՆՆԵՐԻ ԵՎՐՈՊԱԿԱՆ ՑԱՆՑ

EEN Armenia-ի հիմնական նպատակներն են՝

• Միջազգային մրցունակ ՓՄՁ–ների ձևավորում և ՓՄՁ–ների միջազգային համագործակցության հնարավորությունների ընդլայնում ՝ տրամադրելով միջազգայնացման և նորարարության աջակցության հետ կապված աջակցություն;

• Հայաստանի ՓՄՁ–ների գիտահետազոտական և նորարարական կարողությունների զարգացում` խթանելով միջազգային տեխնոլոգիական համագործակցությունը;

• ՓՄՁ–ներին նորարարության հետ կապված աջակցության տրամադրում` նպատակ ունենալով զարգացնել նրանց նորարարական կարողությունները և տեխնոլոգիական առաջընթացը։

Վերոնշյալ նպատակներին հասնելու համար մատուցվում են հետևյալ ծառայությունները՝

Հորիզոն Եվրոպայի շրջանակներում տրամադրվող ծառայություններ

ԵՄ-ի Հորիզոն Եվրոպա ծրագրում ՓՄՁ-ների ավելի ակտիվ մասնակցությունը խթանելու նպատակով EEN Armenia-ի կողմից հնարավոր դիմորդներին տրամադրվում են հետևյալ ծառայությունները՝

• Տեղեկատվության տարածում և իրազեկվածության մակարդակի բարձրացում;

• Տեղեկատվական միջոցառումների, վերապատրաստումների և կապերի հաստատման համար նախատեսված միջոցառումների կազմակերպում;

• Աջակցություն և խորհրդատվություն մրցույթների դիմումների նախապատրաստման և ներկայացման հետ կապված;

• Գործընկերների որոնում;

• Շարունակական խորհրդատվություն գաղափարները իրական ծրագրերի վերածելու և իրականացնելու գործընթացում;

• ԵՄ անդամ երկրներում կազմակերպվող բրոքերային միջոցառումներին հայաստանյան դիմորդների մասնակցության խթանում։

Նորարարության հետ կապված աջակցության ծառայություններ

• Աջակցություն նորարարական ՓՄՁ-ներին ԵՄ ՀԵ EIC Accelerator-ին մասնակցելու հարցում՝ խորհրդատվական, գործընկերների որոնման, հայտի պատրաստման և ներկայացման հետ կապված;

• Թիրախավորված աջակցության ծառայություններ EIC Accelerator-ի շահառուներին (KAM-Key Account Management services);

• Ծառայություններ՝ ընկերության նորարության կառավարումը բարելավելու հետ կապված (EIMC- Enhancing Innovation Management Capacity);

• Տեխնոլոգիաների փոխանցում՝ աջակցություն համապատասխան տեխնոլոգիաներ փնտրելու գործընթացում՝ ընկերության նորարարական ունակությունները բարելավելու նպատակով, ինչպես նաև աջակցություն ամբողջ աշխարհում ընկերության տեխնոլոգիաների տարածման գործընթացում։

Մանրամասների համար այցելեք EEN Armenia-ի էջ՝https://eenarmenia.am/