Ուրախ ենք տեղեկացնել, որ «Հորիզոն Եվրոպա» ծրագրի շրջանակներում կկազմակերպվեն նոր բրոքերային միջոցառումներ՝
1. «Մաքուր ավիացիայի» 4-րդ մրցույթին նվիրված բրոքերային միջոցառում – 2026թ. փետրվարի 13 – Բրյուսել, Բելգիա
Միջոցառման նպատակն է խթանել եվրոպական ավիացիայի ոլորտի ներկայացուցիչների միջև համագործակցությունը՝ մեկտեղելով «Մաքուր ավիացիա» գիտանորարարական ծրագրի անդամներին և այլ կազմակերպություններին, որոնք հետաքրքրված են մասնակցել այս Համատեղ ձեռնարկության չորրորդ հայտադիմումների մրցույթին, որը մեկնարկելու է 2026 թվականի փետրվարին: Այն հնարավորություն կտա ոլորտի ներկայացուցիչներին, հետազոտական կազմակերպություններին, համալսարաններին և ավիացիայի ոլորտում գործող ՓՄՁ-ներին ներկայացնել իրենց կարողությունները, փոխանակել նախագծային գաղափարներ և գտնել պոտենցիալ գործընկերներ։
Գրանցումը բաց է մինչև 2026 թվականի հունվարի 15-ը, իսկ առաջարկների ներկայացումը՝ մինչև 2026 թվականի հունվարի 20-ը: 4-րդ մրցույթի թեմաների վերաբերյալ լրացուցիչ մանրամասները հասանելի են 2026-2027 թթ. աշխատանքային ծրագրի նախագծում։
2. Հաջողակ Հետազոտություն և Նորարարություն Եվրոպայում 2026 – 2026թ. փետրվարի 19–20 – Դյուսելդորֆ, Գերմանիա
«Successful R&I in Europe» եվրոպական համագործակցային 13-րդ այս միջոցառումը միտված է միավորել հետազոտական կազմակերպություններին, համալսարաններին, ՓՄՁ-ներին, ընկերություններին և այլ շահագրգիռ կողմերին, ովքեր պատրաստվում են դիմել «Հորիզոն Եվրոպա» ծրագրի 2026 թվականի թեմատիկ մրցույթներին։ Միջոցառումն առաջարկում է թեմատիկ կլաստերների համար նախատեսված սեսիաներ, գործընկերների որոնում և նախագծային գաղափարների ներկայացման հնարավորություններ։
Միջոցառումը հայտնի է միջազգային մասնակիցներ ներգրավելով և առաջիկա մրցույթների համար բարձրորակ կոնսորցիումների ստեղծմանը աջակցելով։ Գրանցումը բաց է մինչև 2026 թվականի փետրվարի 6-ը, եթե տեղերի քանակը ավելի շուտ չլրանա։
3. Circular Bio-Based Europe՝ բրոքերային միջոցառում համատեղ նախաձեռնությամբ – 2026թ. ապրիլի 21 – Բրյուսել, Բելգիա
Circular Bio-based Europe (CBE JU) համատեղ նախաձեռնությամբ կկազմակերպվի մեկօրյա բրոքերային միջոցառւմ, որը նպատակ ունի աջակցել 2026 թ. CBE JU նախագծերի մրցույթների համար համագործակցությունների հաստատմանը։ Միջոցառումը կմիավորի հայտատուներին, Եվրոպական հանձնաժողովի ներկայացուցիչներին և Bio-based Industries Consortium-ի անդամներին՝ գործընկերների որոնման, գաղափարների փոխանակման և կոնսորցիումներ կառուցելու նպատակով։
Միջոցառման ընթացքում կկազմակերպվեն գործընկերային հանդիպումներ, բրոքերային նստաշրջաններ և թրեյնիգներ։ Գրանցումը բաց է մինչև 2026թ. ապրիլի 14-ը:
Circular Bio-based Europe համատեղ նախաձեռնությունը «Հորիզոն Եվրոպա» ծագրի ներքո գործող հանրային–մասնավոր հատվածների գործընկերություն է, որը աջակցում է մրցունակ և կայուն շրջանաձև (circular) կենսահիմնական (bio-based) արդյունաբերությունների հետազոտության և նորարարության զարգացմանը Եվրոպայում։
4․ SMI2G – Անվտանգության տեղեկատվական և նորարարական խմբի միջոցառում – 2026թ․ ապրիլի 23-24 – Փարիզ, Ֆրանսիա
Բրոքերային միջոցառումը նպատակ ունի համախմբելու այն հետազոտողներին և նորարարներին, ովքեր փնտրում են գործընկերներ կազմելու կոնսորցիումներ՝ «Հորիզոն Եվրոպա» ծրագրի կլաստեր 3-ի՝ «Քաղաքացիական անվտանգությունը հանուն հասարակության» 2026թ․ մրցույթներին մասնակցելու համար։ Միջոցառմանը հանդես կգան ոլորտի բանախոսներ, կկազմակերպվեն փորձագիտական պանելային քննարկումներ, և կոնկրետ մրցույթների փիչինգ սեսիաներ:
Բրոքերային միջոցառումների նպատակն է աջակցել մասնակիցներին գտնել նոր գործընկերներ և հաստատել նոր կապեր և, մասնավորապես, աջակցել «Հորիզոն Եվրոպա» ծագրի առաջիկա մրցույթների համար բարձրորակ նախագծերի առաջարկների մշակմանը, կոնսորցիումների ստեղծմանն ու փորձի փոխանակմաննն աշխարհի տարբեր երկրների փորձագետների միջև:
Բրոքերային միջոցառումների պարբերաբար թարմացվող ցանկին կարող եք ծանոթանալ այցելելով NCP_WIDERA.NET կայք։
ՆՇՈՒՄ․ Եթե արդեն գրանցվել եք բրոքերային միջոցառումներին մասնակցելու համար և ֆինանսական աջակցության կարիք ունեք, ապա կարող եք դիմել NCP_WIDERA.NET ճանապարհորդական դրամաշնորհներին:
