Ս. թ. հունիսի 27-ին, ժամը 13:30-16:00 ԿԵԱԺ (Բրյուսելի ժամանակով) ERA Talent նախագծի շրջանակներում Սոֆիայի համալսարանը կկազմակերպի գիտնականների համար նախատեսված առցանց սեմինար՝ «Ինչպե՞ս արդյունավետ կերպով ներկայացնել գիտական փորձառությունը նոր հնարավորությունների փնտրման ընթացքում» թեմայով:
Սեմինարի նպատակն է օգնել գիտնականներին ավելի հրապուրիչ և հասկանալի ձևով ներկայացնելու իրենց հետազոտական փորձառությունը ոչ հետազոտական միջավայրում` կարիերայի բարելավման համար:
Այն հնարավորություն կտա գիտնականներին՝
- տիրապետել արդյունավետ հաղորդակցման կանոններին,
- ներկայացնել պատշաճ, դյուրըմբռնելի և արդյունավետ հակիրճ բանավոր զեկույց,
- ձեռք բերել հմտություններ՝ փորձառության, ձեռքբերումների և կարիերայի զարգացման նպատակների պատշաճ ներկայացման համար:
Լրացուցիչ տեղեկությունների և գրանցման համար այցելեք այստեղ: