«Ձեռնարկությունների ինկուբատոր» հիմնադրամը (EIF) իր Գիտական ինկուբատորի ներքո և «Գիտական և նորարարական գործընկերությանն աջակցման կենտրոնի» (ԳՆԳԱԿ) հետ համագործակցությամբ մեկնարկում է հատուկ մշակված աքսելերացիոն ծրագիր՝ աջակցելու deep-tech ստարտափներին՝ «Հորիզոն Եվրոպա» ծրագրի կարևոր դրամաշնորհային մրցույթներին հաջողությամբ դիմելու գործընթացում։
Ծրագիրն առաջարկում է․
- Աջակցություն «Հորիզոն Եվրոպա» ծրագրի դրամաշնորհային մրցույթներին նախապատրաստման ամբողջ գործընթացում՝ ներառյալ համապատասխան դրամաշնորհային ծրագրերի որոնում, առաջարկի մշակում, գործընկերների հայտնաբերում, մենթորություն և հայտերի ներկայացման աջակցություն։
- Ստարտափները հնարավորություն կունենան օգտվել փորձառու մասնագետների խորհրդատվությունից, կապ հաստատել ԵՄ նորարարական էկոհամակարգերի հետ և ստանալ գործառնական ուղեցույց՝ առանց նախնական վճարի։
- Ընթացիկ կոնսորցիումների ձևավորման գործընթացների մասնակցության հնարավորություն՝ «Հորիզոն Եվրոպա» ծրագրի դրամաշնորհային մրցույթների ընթացքում
- Անվճար թեմատիկ սեմինարներ՝ նախատեսված հայկական ստարտափների համար՝ ֆինանսավորման ծրագրերն ուսումնասիրելու և ԵՄ-ում գործընկերային կապեր ձևավորելու նպատակով։
Ովքեր կարող են դիմել․
- Deep-tech և տեխնոլոգիական ոլորտի ստարտափներ, որոնք պատրաստվում են դիմել ԵՄ-ի կողմից տրամադրվող ֆինանսավորմանը։
- Ստարտափներ, որոնք հետաքրքրված են «Հորիզոն Եվրոպա» նորարարական ծրագրերի միջոցով մասշտաբայնացման՝ առանց նախնական ֆինանսական պարտավորությունների։
- Թիմեր, որոնք փնտրում են փորձագիտական աջակցություն՝ դրամաշնորհային մրցույթներին դիմելու, գործընկերներ գտնելու և նախագծի կառավարման ուղղությամբ։
Deep-tech ստարտափներ
Deep-tech ստարտափը զբաղվում է առաջադեմ և նորարարական տեխնոլոգիաների մշակմամբ, որոնք հիմնված են գիտական նորագույն հայտնագործությունների և առաջընթացների վրա։ Այս ստարտափները տեխնոլոգիական նորարարության առաջնագծում են՝ մշտապես փոխազդելով գիտական հետազոտությունների և մշակումների նոր գաղափարների ու արդյունքների հետ։ Deep-tech-ը նպատակ ունի առաջարկել գործնական լուծումներ հասարակական խնդիրներին՝ խորապես ներգրավվելով վերջին գիտական և տեխնոլոգիական առաջընթացների մեջ։ Deep-tech նորարարությունը ներառում է այնպիսի ոլորտներ, ինչպիսիք են՝ առաջադեմ հաշվարկային համակարգերը, արհեստական բանականությունը (AI), կենսաբանությունը, առաջադեմ արտադրությունը, էներգետիկան և մաքուր տեխնոլոգիաները, նոր նյութերը, կիբեռանվտանգությունը, ռոբոտաշինությունը և նանոտեխնոլոգիան։ Deep-tech ստարտափները կենտրոնանում են գիտական հետազոտությունների և տեխնոլոգիական առաջխաղացումների վրա, որոնք ընդլայնում են առկա տեխնոլոգիաների սահմանները։
Նշում․ Եթե ստարտափը պարզապես օգտագործում է առկա տեխնոլոգիաներ (օրինակ՝ պատրաստի AI մոդելներ տվյալների վերլուծության կամ chatbot-երի համար), բայց չի իրականացնում գիտական նոր զարգացումներ կամ չի ստեղծում նորարարական տեխնոլոգիաներ, այն չի համարվում deep-tech։
Ինչպես դիմել․
Ստարտափները կարող են դիմել EIF-ի աքսելերացիոն ծրագրին՝ լրացնելով սույն հայտաձևը և ուղարկելով այն info@eif.am էլ․ հասցեին՝ վերնագրի դաշտում նշելով “Acceleration Program”:
Հայտերի ներկայացման վերջնաժամկետն է՝ 2025թ-ի նոյեմբերի 15-ը (ներառյալ)։
Ընտրված ստարտափները կմասնակցեն աքսելերացիոն ծրագրի, որի նպատակն է աջակցել վերջիններիս հաջողությամբ ներկայացնելու հայտեր՝ «Հորիզոն Եվրոպա» ծրագրի մրցույթների համար։
Լրացուցիչ տեղեկությունների, ինչպես նաև թեմատիկ սեմինարներին մասնակցելու կամ կոնսորցիումներին անդամակցելու ցանկության դեպքում կարող եք գրել info@eif.am հասցեին։
