Գյուղատնտեսության և գյուղական զարգացման եվրոպական գլխավոր տնօրինությունը (DG AGRI) և Նորարարության և գիտելիքի փոխանակման աջակցության հաստատությունը (EIP-AGRI) միասին կազմակերպում են ԵՄ Ընդհանուր գյուղատնտեսական քաղաքականության (CAP) ցանցի բրոքերային միջոցառում, որը կանցկացվի Բելգիայի Անտվերպեն քաղաքում 2023 թվականի հոկտեմբերի 19-ից 20-ը։
Միջոցառման նպատակն է աջակցել մասնակիցներին գտնել նոր գործընկերներ և հաստատել նոր կապեր՝ ներկայացնելու համար բազմակողմ ներգրավվածությամբ նախագծերի առաջարկներ Հորիզոն Եվրոպա ծրագրի Կլաստեր 6-ի՝ «Պարեն, կենսատնտեսություն, բնական ռեսուրսներ, գյուղատնտեսություն և շրջակա միջավայր» 2024 թ․ մրցույթներին։
Բրոքերային միջոցառումն ուղղված է հետևյալ մրցութային ուղղություններին՝
- կենսաբազմազանությամբ հարուստ գյուղատնտեսական համակարգեր,
- օրգանական գյուղատնտեսություն,
- անտառային տնտեսություն,
- անասնաբուծական համակարգեր,
- առողջ բուսականություն,
- կլիմայական փոփոխության՝ ջուր և ճահճային տնտեսություն/ paludiculture/,
- գյուղական համայնքներ,
- թվային և տեղեկատվական տեխնոլոգիաներ՝ ռոբոտաշինություն և ընդլայնված իրականություն,
- գյուղատնտեսական գիտելիքների և ինովացիոն համակարգերի (AKIS) առաջմղում։
Գրանցումը բաց է մինչև 2023 թվականի սեպտեմբերի 3-ը, ժամը՝ 23:00 (ԿԵԺ):
Լրացուցիչ տեղեկությունների և գրանցման համար այցելեք այստեղ:
ՆՇՈՒՄ․ Եթե դուք արդեն գրանցվել եք Անտվերպենում անցկացվելիք միջոցառմանը մասնակցելու համար և ֆինանսական աջակցության կարիք ունեք, ապա կարող եք դիմել NCP_WIDERA.NET ճանապարհորդական դրամաշնորհներին: